February 25
كثر المواصل
قصيدة الشاعر عبالله علوش
وأتمنى تعجب الجميع
كثر المواصل بالهوى ماهو بزين
ودك بخلك بين مدّه ومدّه
لأن البنادم ما ترك طبعه الشين
لا حب له شي وشبع منه هدّه
لكن لا منّه جاك من حين لي حين
قدّرت جيّاته وقدّرت صدّه
فـان قلت ابيك وقال ما هوب هالحين
لا تبلشه يمكن ضروفه تحدّه
اصبر عليه ايّام وشهور وسنين
كانه يودك وكانك انته تودّه
وخلك لا منه اعطاك ما تطلبه دين
ماجاك منه أخذه ومارد رده
ولا تسوي مثل ناسٍ مساكين
اصلك وفصلك فالهوى لا تعدّه
الحب ما خلاّ قبيله ولا دين
نكس حكوماتٍ وكسّر اشدّه
جالوه عقّالٍ (ن) وراحو مجانين
وكم واحدٍ (ن) خاضه ولا هو بقدّه
يقوله اللي جاحدٍ (ن) علّته لين
بارت محافيره وبيّح بسدّه
هذا كلام وانت بتشوف بعدين
والله ان تميّز بين مزحه وجدّه
.
.
وسلامتكم
انا كشخص قارئ احترم رأي الشاعر .. ويعجبني طريقة طرحه للموضوع وقناعاته .. بس يضل لي رايي اللي أحب أدونه في مدونتي ..( أي نعم الشي اذا كثرت منه صار عديم القيمه اوفقد قيمته بس كون الموضوع يخص بشر فأنا رايي المتواضع يقول الاتي ..أنو ماراح تستمر حياة أي شخصين حالة حب فقط لفتره طوبله ..خصوصا لو كان هالحب طاهر او عذري زي مايقولون ..في هالحاله بينتقل لعش صغير فيه كمن كتكوت وهذا معناه أن التغير اللي صار لهم بيوجد مشاغل تخليهم يبعدون ساعات معينه عن بعضهم .. وبذلك ماراح يكون ملل أن شاء الله .. .. طبعا هالكلام كتبته مخصوص حق اللي يقولون بعد الزواج مافي حب ..لا ياخواني فيه ..واتمنى فكرتي وصلت
دمت في حفظ الله
Tools 
